საახალწლო კონცერტი ტელევიზიით გადაიცემა, – ამის შესახებ დედაქალაქის მერი, კახა კალაძე აცხადებს.
„რადგან პანდემიასთან ბრძოლა ჯერ არ დასრულებულა, გადაწყდა, რომ საახალწლო კონცერტი მხოლოდ და მხოლოდ სატელევიზიო ეთერით იქნება გადაცემული. ყველა ტელევიზიას ექნება შესაძლებლობა, რომ გააშუქოს. სიგნალი იქნება გაშვებული და ვინც როგორ ჩათვლის საჭიროდ. საკმაოდ საინტერესო იქნება. მაქსიმალურად შევეცადეთ, რომ ესტრადის ყველა წარმომადგენელი ყოფილიყო ჩართული საახალწლო ღონისძიებაში, მიეღოთ მონაწილეობა. ეს კონკრეტული პროექტი ძალიან ლამაზი გამოივდა“, – განაცხადა კახა კალაძემ.
