პრემიერ-მინისტრ გიორგი გახარიას კოვიდინფიცირების შემდეგ „პრაიმტაიმნიუსმა“ გაარკვია, ბოლოს როდის ჰქონდა კონტაქტი მასთან დედაქალაქის მერ კახა კალაძეს.
როგორც აღმოჩნდა, თბილისის მერმა PCR ტესტი უკვე ჩაიტარა და თვითიზოლაციაში არ იმყოფება.
„ბოლო სამი დღის განმავლობაში, ანუ იმ პერიოდიდან, რაც პრემიერ-მინისტრის დაცვის თანამშრომელს კოვიდი დაუდასტურდა და პრემიერი თვითიზოლაციაში გადავიდა, თბილისის მერს არ ჰქონია ფიზიკური კონტაქტი გიორგი გახარიასთან. მერმა დღესაც ჩაიტარა PCR ტესტი და პასუხი უარყოფითია“, – აცხადებენ პრესსამსახურში.
შეგახსენებთ, კორონავირუსი პრემიერ-მინისტრს გიორგი გახარიას და მთავრობის ადმინისტრაციის უფროსს, ნათია მეზვრიშვილს დაუდასტურდათ.
