74 წლის მიხეილ ფატარიძეს 5-მდე პირი, მისსავე სასურსათო მაღაზიაში გაუსწორდა და ყველა მათგანის იდენტიფიცირება შეუძლია.
კონფლიქტი კი მას შემდეგ დაიწყო, რაც მან სიგარეტის ნისიად გაცემაზე უარი თქვა.
ნაცემი მამაკაცის რძალი „პრაიმტაიმთან“ საუბრისას ამბობს, რომ მსგავსი შემთხვევა პირველად არ მომხდარა.
„ჩვენი უბნელები არიან ის ადამიანები, ვინც ჩემი მამამთილი სცემეს, პოლიციას დაკითხვაზეც კი არ დაუბარებიათ დამნაშავეები ჯერ. ნისიად უნდოდათ 4 კოლოფი სიგარეტი, ჩემმა მამამთილმა კი მხოლოდ ორი მისცა. ამის შემდეგ სცემეს.
პირველი შემთხვევა არ არის, ადრე მაღაზიის დაწვაც სცადეს. არ ვიცი რატომ არავის აკავებენ, ალბათ მფარველები ჰყავთ პოლიციაში. მამამთილს დაზიანება აქვს თვალის არში და ნეკნები სტკივა ძლიერად“, – ამბობს ნაცემი მამაკაცის რძალი.
ავტორი: თათია გოლოშვილი
