კულტურაში მოღვაწე ყველა ადამიანს აქვს აზრის გამოთქმის საშუალება, რაც უნდა ილაპარაკოს, აზრს მათ ვერავინ ვერ შეუზღუდავს, – ამის შესახებ საქართველოს კულტურის პალატის პრეზიდენტმა დავით ოქიტაშვილმა თეა წულუკიანის განცხადებაზე საუბრისას განაცხადა.
ოქიტაშვილის თქმით, თეა წულუკიანის განცხადება განსხვავებული აზრის შეზღუდვისკენ არ იყო მიმართული.
“მე გავიგე ესეთი აზრი, რომ კულტურაში მოღვაწე ადამიანები არიან თავისუფალი, მათ აქვთ თავისუფლად აზრის გამოთქმის საშუალება, მაგრამ როდესაც შენ მუშაობ ვთქვათ კულტურის სამინისტროში, სახელმწიფო სტრუქტურაში და იძახი რომ მე უნდა დავამხო ეს მთავრობა, ეს კრიმინალები, ეს ცოტა უხერხულია, რომ “კრიმინალური“ მთავრობისაგან, რომელიც გინდა დაამხო და მისგან იღებ ხელფასს. რასაკვირველია, ამ კუთხით ცოტა მინისტრს ვეთანხმები და რაც შეეხება კულტურის სფეროს მუშაკებს, მან ხმამაღლა თქვა, რომ რასაკვირველია, კულტურაში მოღვაწე ყველა ადამიანს აქვს აზრის გამოთქმის საშუალება, რაც უნდა ილაპარაკოს, აზრს მათ ვერავინ ვერ შეუზღუდავს. მე კითხვები არ გამიჩნდა, იმიტომ რომ მე ზუსტად ესე გავიგე, იმიტომ რომ კულტურის სფეროში ადამიანები რამდენადაც განსხვავებული აზრი ჰქონდეთ, ვერც მინისტრი, საერთოდ ვერავინ ვერ აუკრძალავს მათ ეს აზრი რომ თქვან. მე მათ ვუცხადებ სოლიდარობას და ასეც უნდა იყოს.“, – ამბობს დავით ოქიტაშვილი.
შეგახსენებთ, რომ თეა წულუკიანმა ერთ-ერთ სატელევიზიო ეთერში განცხადა, რომ კულტურის სფეროში ყველა განსხვავებული აზრით დაინტერესდება.
