ხელვაჩაურის მუნიციპალიტეტში დედის მიერ 9 წლის შვილზე სავარაუდო ძალადობის ფაქტს სამართალდამცავებთან ერთად, სოციალური მომსახურების სააგენტოც სწავლობს. სწორედ სოცმუშაკმა მიაწოდა ინფორმაცია პოლიციას შესაძლო დანაშაულთან დაკავშირებით.
როგორც უწყებაში ამბობენ, ოჯახში კიდევ ორი არასრულწლოვანი ცხოვრობს ამიტომ ამ ბავშვების მდგომარეობის შესწავლა დაუყოვნებლივ უნდა მოხდეს.
„ბათუმის პოლიციის ერთ-ერთმა განყოფილებამ მოგვმართა არასრულწლოვანის მიმართ განხორციელებულ ძალადობასთან დაკავშირებით, სოცმუშაკის მიერ დაფიქსირდა ფიზიკური და ფსიქოლოგიურ ძალადობა ბავშვზე, ჩვენმა სოცმუშაკმა ითანამშრომლა პოლიციის თანამშრომლებთან, ბავშვს ჩაუტარდა ექსპერტიზა, იგი უსაფრთხო ადგილზეა. ოჯახში კიდევ ორი არასრულწლოვანი იმყოფება და საჭიროა ამ ბავშვების მდგომარეობის შესწავლა და შემთხვევის მართვა, შემდეგ დაიგეგმება კიდევ ორი არასრულწლოვანის ბედი. ჩვენ მეტად ჩართული ვიქნებით. სამედიცინო ჩარევა ბავშვს არა დაზიანების, არამედ ემოციურ ფონზე დასჭირდა. სხეულის სხვადასხვა ნაწილზე ჰქონდა ტრავმები. პოლიციას დედის ახლობელმა მიმართა”,- აცხადებს ცისანა ჩიკვაიძე.
შეგახსენებთ, რომ გამოძიება დაწყებულია 126-ე პრიმა მუხლის მეორე ნაწილის „ა“ ქვეპუნქტით, რაც წინასწარი შეცნობით არასრულწლოვნის მიმართ ჩადენილ ოჯახში ძალადობას გულისხმობს.
