ამნისტიის შესახებ კანონპროექტს სჭირდება კონსენსუსი, რათა „ხელისუფლებასა და „ნაციონალურ მოძრაობას შორის კონფლიქტი აღმოიფხვრას“, – ამის შესახებ „გირჩის“ წევრის, იაგო ხვიჩიამ განაცხადა.
მისი თქმით, სასურველია, ამნისტიის შესახებ საერთო კანონპროექტზე მოხდეს შეთანხმება.
„ჩემთვის მისაღებია ის ვარიანტი, რომელზეც უფრო მაღალი კონსენსუსი იქნება. თავისი შინაარსით ეს კანონპროექტი არის ისეთი, რომელსაც კონსენსუსი სჭირდება თუ ჩვენ გვინდა, რომ აღმოიფხვრას კონფლიქტი, რომელიც ხელისუფლებასა და „ნაციონალურ მოძრაობას“ შორის არსებობს. მინდა, ეს ორი კანონპროექტი რაღაცნაირად ერთად იქცეს და მან მულტიპარტიული მხარდაჭერა მიიღოს“, – განაცხადა ხვიჩიამ.
რაც შეეხება კითხვას, „როგორ მოხდება შეთანხმება, როდესაც „ოცნებას“ არ სურს იმის ამოღება, რაც ამნისტიაზე ამნისტიის მსურველის თანხმობას საჭიროებს“, – ხვიჩიას თქმით, აღნიშნული ჩანაწერი არ მოსწონს, თუმცა „ქართულ ოცნებას“ თავისი ახსნა აქვს.უ ასე დავიწყებთ, დაზარალებულები არიან არა მხოლოდ დემონსტრანტები, არამედ პოლიციელებიც და სადაც ერთი მხარის თანხმობა იქნება საჭირო, იქ იქნება მეორე მხარისაც. თუ შერიგებისთვის საჭირო იქნება ყველა დაზარალებული პოლიციელისა და ყველა დაზარალებული დემონსტრანტის თანხმობა, მაშინ არანაირი ამნისტია და შერიგება არ გამოვა“, – განაცხადა ხვიჩიამ.
