კორონავირუსზე ტესტირება ტაქსის მძღოლებიც ჩატარდებათ, ამის შესახებ ჯანდაცვის მინისტრის მოადგილემ თამარ გაბინიამ ჟურნალისტებთან განაცხადა.
„ტესტირებების გაფართოება იგეგმება. ამ ჯგუფებს დაემატა ტაქსის მძღოლების ჯგუფი, რომელთათვისაც აქტიური კამპანია დაიწყო უკვე დღეიდან და მათი ტესტირებაც მოხდება ყველა იმ ჯგუფთან ერთად, ვინც ჩართული იყო აქამდე პროგრამაში.
ასევე მოეწყობა სპეციალური ტესტირების დამატებითი წერტილები, მაგალითად, აგრარულ ბაზრებში დასაქმებული მოვაჭრეებისთვის, ასევე სხვა პირებისთვის, ვინც რაიმე მიზეზის გამო შესაძლოა, ვერ ახერხებს ამბულატორიაში მისვლას და ურჩევნია, გაიტესტოს მუნიციპალურ საკუთრებაში მყოფ რომელიმე დაწესებულებაში, რაც მისთვის გეოგრაფიულად უფრო ხელმისაწვდომი იქნება“, – განაცხადა თამარ გაბუნიამ.
