„საქართველო ინფექციის გავრცელების აღმავალ ფაზაშია და საკმაოდ მაღალი გავრცელების მაჩვენებელი გვაქვს“, – ამის შესახებ ჯანდაცვის მინისტრმა ეკატერინე ტიკარაძემ ჟურნალისტებს განუცხადა.

მისი თქმით, ლეტალობის მაჩვენებელი გვიჩვენებს, რომ სტატისტიკა 0.9%-ს შეადგენს.

„აქედან გამომდინარე, რთული ასახსნელია მოსახლოებისთვის, როდესაც ყოველდღიურად ვაცხადებთ 30-ზე მეტ გარდაცვალების შემთხვევას, თუმცა როდესაც ამის ანალიზი კეთდება, თუნდაც ჯანდაცვის მსოფლიო ორგანიზაციის მხრიდან, (ვალდებულება გვაქვს, ყოველდღიურ რეჟიმში წარვადგინოთ როგორც ინფიცირების მაჩვენებელი, ასევე ლეტალობის მაჩვენებელი) საქართველო საკმაოდ დაბალ მაჩვენებელზეა ლეტალობის თვალსაზრისით“, – განაცხადა ეკატერინე ტიკარაძემ.

საქართველოში კორონავირუსი კიდევ 5 068 ადამიანს დაუდასტურდა, 38 ინფიცირებული გარდაიცვალა, ხოლო 2 336 პაციენტი გამოჯანმრთელდა.