რუსეთს უნდა ესმოდეს, რომ უკრაინაზე მორიგი თავდასხმის შემთხვევაში, ევროკავშირისა და ნატოს რეაქცია მისთვის ძალიან მტკივნეული იქნება,- ამის შესახებ უკრაინის საგარეო საქმეთა მინისტრმა, დიმიტრი კულებამ განაცხადა.
„ლიეტუვის, ლატვიისა და ესტონეთის საგარეო საქმეთა მინისტრებმა დაადასტურეს მზაობა, გაეროში, ეუთოსა და სხვა საერთაშორისო ორგანიზაციებში უკრაინის მხარდაჭერის კონსოლიდაციის მიზნით იმოქმედონ“,- განაცხადა კულებამ.
შეგახსნებთ, რომ უკრაინის აღმოსავლეთ ნაწილში ვითარება კვლავ დაძაბულია.უკრაინული მხარის ინფორმაციით, რუსეთის ძალებმა დონბასში ცეცხლის შეწყვეტის რეჟიმი გასულ დღე-ღამეში 8-ჯერ დაარღვიეს.
