ბათუმის მერვე საარჩევნო უბანზე „ერთიანი ნაციონალური მოძრაობის“ დეპუტატობის კანდიდატმა საქართველოს პარლამენტში ლევან ვარშალომიძემ საკუთარი არჩევანი დააფიქსირა.
საარჩევნო უბანზე შესვლამდე ლევან ვარშალომიძემ ჟურნალისტებთან კომენტარი გააკეთა და მოსახლეობას არჩევნებში მონაწილეობისკენ მოუწოდა.
„მოსახლეობას მოვუწოდებთ, რომ არჩევნებზე მივიდნენ და ამ ისტორიულ დღეს საკუთარი არჩევანი დააფიქსირონ. 2020 წლის 31 ოქტომბერი უნდა გახდეს ქართველი ხალხის არჩევანის დღე“ – განაცხადა ლევან ვარშალომიძემ.
ის ასევე გამოეხმაურა ხულოს მუნიციპალიტეტის სოფელ წაბლანაში მიმდინარე არჩევნების მიმართ მოსახლეობის ბოიკოტს.
„ამ ყველაფერში პასუხისმგებლობა ხელისუფლებას ეკისრება. ეს პროცესი ხელისუფლების არასწორმა ქმედებამ განაპირობა, რომ ეს ადამიანები არჩევნებზე არ მიდიან. ამასთან აჭარაში საარჩევნო უბანზე იყო წვრილმანი დარღვევები, არის უბნები, სადაც საარჩევნო უბნების თავმჯდომარეები გადაღების საშუალებას მედიას არ აძლევს“, – განაცხადა ლევან ვარშალომიძემ.
ავტორი: ნაირა ქობულაძე
