„მაინტერესებს, რა ესაქმება ეპიდემიის და პანდემიის დროს, ეპიდემიოლოგებს მმართველი გუნდის მაჟორიტარი დეპუტატების წარდგენაზე?!“,- ამის შესახებ „დემოკრატიული მოძრაობის“ ლიდერმა, ნინო ბურჯანაძემ განაცხადა.
როგორც ის ამბობს, ჩვენი ქვეყანა არის ერთადერთი, რომელიც პანდემიის ფონზე არჩევნების ჩატარებას აპირებს.
„დიდი პატივისცემით მივმართავ იმ ადამიანებს, ვინც კორონავირუსთან ბრძოლის დროს, ძალიან სერიოზულად ედგა მხარში საქართველოს მთავრობას და მოსახლეობას – ექიმები და ეპიდემიოლოგები მყავს მხედველობაში. მაინტერესებს, რა ესაქმება ეპიდემიის და პანდემიის დროს, ეპიდემიოლოგებს მმართველი გუნდის მაჟორიტარი დეპუტატების წარდგენაზე?! რომელი სახელმწიფო გინახავთ, სადაც მმართველო გუნდი საპარლამენტო სიის ან მაჟორიტარების წარდგენის დროს, ეპიდემიოლოგ ექიმებს იწვევდეს ამ წარდგენაზე?! ჩვენ ვართ ერთადერთი ქვეყანა, სადაც „ქართული ოცნება”, ბიძინა ივანიშვილი და დღევანდელი ხელისუფლება, ამ ადამიანების ზურგს უკან და პანდემიის ქოლგის ქვეშ აპირებენ არჩევნების ჩატარებას”, – განაცხადა ნინო ბურჯანაძემ.
ცნობისთვის, დღეს „ქართული ოცნების“ მაჟორიტარობის კანდიდატების წარსადგენ ღონისძიებაზე სხვა ცნობილ სახეებთან ერთად ეპიდემიოლოგები და ექიმებიც იმყოფებოდნენ.
ცნობისთვის, დღეს „ქართული ოცნების“ პოლიტსაბჭომ მაჟორიტარი დეპუტატობის კანდიდატები წარადგინა.
ნახეთ, მაჟორიტარი კანდიდატების სრული სია.
2020 წლის საპარლამენტო არჩევნები 31 ოქტომბერს ჩატარდება.
