თბილისის ინფექციური საავადმყოფოს სამედიცინო დირექტორი მარინა ეზუგბაია სამედიცინო პერონალს ვაქცინაციისკენ მოუწოდებს. ამასთან, როგორც ეზუგბაია ჟურნალისტებთან აღნიშნავს, მოქალაქეებმა კორონავირუსის წინააღმდეგ დაწესებული რეგულაციები სათანადოდ უნდა დაიცვან, რათა ვირუსი დავამარცხოთ.
„მატება ჯერჯერობით შეინიშნება. პიკი როდის იქნება, ზუსტად ვერ გეტყვით, მაგრამ იმედი მაქვს, რომ მოსახლეობა, ჩვენი მოქალაქეები პასუხისმგებლობით მოეკიდებიან და დაიცავენ რეკომენდაციების, რაც აუცილებელია იმისთვის, რომ ეს პიკი რაც შეიძლება სწრაფად დავწიოთ და არ გვქონდეს ისეთი მაღალი, როგორსაც ველოდებით წესით და კანონით. ანუ, ისევ ვსაუბრობთ შეზღუდვებსა და რეკომენდაციების დაცვაზე – პირბადე, დისტანცირება და ხელების ჰიგიენა.
ექიმებში და საერთოდ სამედიცინო პერსონალში ავადობის მაჩვენებელი იყო მაღალი. აქედან გამომდინარე, ძალიან ბევრი ადამიანი იყო ინფიცირებული და მათთან არ არის გასული 4-თვიანი სავალდებულო პერიოდი, რომლის შემდეგ შესაძლებელია ჩატარდეს აცრა. მე იმედი მაქვს, რომ სამედიცინო პირები ანუ კლინიკაში ნებისმიერ თანამდებობაზე მომუშავე ადამიანი გააცნობიერებს თავის მოქალაქეობრივ ვალს და ამ ოთხთვიანი პერიოდის გავლის შემდეგ ყველანი ჩაიტარებენ ვაქცინაციას და კიდევ ერთხელ მისცემენ მაგალითს მოქალაქეებს, რომ აუცილებელია ვაქცინაცია“, – აღნიშნა ეზუგბაიამ.
