საერთაშორისო გამჭვირვალობამ 31 ოქტომბრის საპრლამენტო არჩევნების დაკვირვების შედეგები შეაჯამა. როგორც გამოქვეყნებულ ინფორმაციაშია ნათქვამი, მარნეულში, ერთ-ერთმა მოქალაქემ უბანზე სულ მცირე ათჯერ მისცა ხმა.

„მარნეულის #მე-13, 22-ე და 65-ე უბანზე ჩვენმა დამკვირვებელმა დააფიქსირა პირი, რომელმაც სულ მცირე ათჯერ მისცა ხმა, მათ შორის სამჯერ მოხერხდა მისი ქმედებების ვიდეო ჩანაწერით დადასტურება. საერთაშორისო გამჭვირვალობა-საქართველო ითხოვს აღნიშნული უბნის შედეგების ბათილობას“,- ნათქვამია შემაჯამებელ ინფორმაციაში.

10:00 საათის მონაცემებით,   „ქართულ ოცნებას“ ხმების 48,58%%, „ნაციონალურ მოძრაობას“ 26,07%, ხოლო „ევროპულ საქართველოს“ 3,77%% აქვს.

სულ 3 847 უბნიდან მონაცემები დათვლილია 2 668 უბნის მიხედვით.

ყველა ინფორმაცია საპარლამენტო არჩევნებთან დაკავშირებით ნახეთ ამ ბმულზე