მოსწავლეებისთვის და მასწავლებლებისთვის ინტერნეტი 10 ლარად იქნება ხელისწავდომი. ამის შესახებ განათელბის მინისტრის მოადგილემ, ეკატერინე დგებუაძემ განაცხადა.

„დღეს ხელი მოეწერა მემორანდუმს, რომლის ფარგლებში როგორც საჯარო სკოლის, ასევე კერძო სკოლის მასწავლებლებსა და მოსწავლეებს, მიიღონ შეღავათიანი ინტერნეტი. ექსპერტებმა დათვალეს და განსაზღვრეს მეგაბაიტების რაოდენობა, რომელიც სასწავლო მიზნებისთვის საჭირო იქნება. 1 თვის განმავლობაში 20 გეგაბაიტი შეფასდა 10 ლარად და ჩვენს მოსწავლეებს, მასწავლებლებს და მშობლებს ექნებათ საშუალება საკუთარი შვილები მობილური ინტერნეტით უზრუნველყონ 10 ლარის ღირებულებით. ეს პროვაიდერებია „სილქნეტი“, „მაგთი“ და „ბილაინი“,- განაცხადა ეკატერინე დგებუაძემ.

მისივე თქმით, დღეს 2 საათზე დაიწყება რეგისტრაცია ვებ-გვერდზე. ყველას ექნება საშუალება დარეგისტრირდნენ და ორშაბათიდან უკვე გამოიყენონ შეთავაზებული პაკეტი.