„მათ მოსმენას სუფთა ჰაერზე გასვლა ვამჯობინე“,- ასე გამოეხმაურება „ლელოს“ ერთ-ერთი წევრი, საბა ბუაძე „გირჩის“ წევრების მხრიდან ოპოზიციის შეხვედრის დატოვებას.
როგორც საბა ბუაძე ამბობს, „გირჩის“ წევრების ლაპარაკს სერიოზულად არავინ აღიქვამს.
„დღეს არის ვინმე, ვინც „გირჩს” სერიოზულად აღიქვამს? მე პირადად არ მოვუსმინე მათ. გავედი ეზოში და როდესაც დაამთავრეს პერფომანსი, დავბრუნდი შეხვედრის ოთახში. მათ განცხადებებს სერიოზულად არ მივიჩნევ. ისინი არასერიოზულ ადამიანებად მიგვაჩნია და ამაზე დროის კარგვა არავის სჭირდება. მათ მოსმენას სუფთა ჰაერზე გასვლა ვამჯობინე”, – განაცხადა საბა ბუაძემ.
ცნობისთვის, „ლეიბორისტული პარტიის“ ოფისში მიმდინარე ოპოზიციის შეხვედრა ვახტანგ მეგრელიშვილმა, იაგო ხვიჩიამ და სანდრო რაქვიაშვილმა დატოვეს.
იაგო ხვიჩიას განცხადებით, ოპოზიცია „მიშას თამაშს თამაშობს“.
