„დემოკრატების“ პრეზიდენტობის კანდიდატმა, ჯო ბაიდენმა განაცხადა, რომ აშშ-ის საპრეზიდენტო არჩევნებში გაიმარჯვა. ამის შესახებ ბაიდენი Twitter-ზე წერს:

„ამერიკა, პატივია, რომ ჩვენი დიადი ქვეყნის ლიდერად ამირჩიეთ. წინ მძიმე სამუშაო გველოდება, თუმცა გპირდებით ამას: მე ყველა ამერიკელის პრეზიდენტი ვიქნები, მიუხედავად იმისა მე მომეცით ხმა თუ არა. მე შევინარჩუნებ რწმენას, რომელიც თქვენ ჩადეთ ჩემში“, – განაცხადა ჯო ბაიდენმა.

წამყვანი ამერიკული მედიასაშუალებების პროგნოზით, „დემოკრატების“ პრეზიდენტობის კანდიდატი, ჯო ბაიდენი აშშ-ის 46-ე პრეზიდენტი გახდა. აღნიშნული პროგნოზით CNN, NBC, Fox News და Associated Press-ი გამოდიან.

მედიის პროგნოზით, ჯო ბაიდენმა პენსილვანიის შტატში გაიმარჯვა და საერთო ჯამში, ამომრჩეველთა კოლეგიის წევრთა 273 ხმა აქვს.

America, I’m honored that you have chosen me to lead our great country.

The work ahead of us will be hard, but I promise you this: I will be a President for all Americans — whether you voted for me or not.

I will keep the faith that you have placed in me. pic.twitter.com/moA9qhmjn8

— Joe Biden (@JoeBiden) November 7, 2020