საავტომობილო გზების დეპარტამენტი, მესტიაჟი ჩამოწოლილ მეწყერზე განცხადებას ავრცელებს.
როგორც კომპანიაში აცხადებენ, გზის გაწმენდითი სამუშაოები აქტიურად მიმდინარეობს და ჩაკეტილი მონაკვეთი უახლოეს საათებში გაიხსნება.
„მესტიისკენ მიმავალ გზაზე „შავ ღელესთან“ ჩამოწოლილი მეწყერის გაწმენდითი სამუშაოები დაწყებულია.
საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობოილო გზის 116-ე კმ-ზე (შავი ღელე) კოკისპირული წვიმის შედეგად ჩამოიშალა ფერდი, რამაც გამოიწვია მოძრაობის შეზღუდვა.
ადგილზე მობილიზებულია შესაბამისი ტექნიკა და გზის გაწმენდითი სამუშაოები მიმდინარეობს. ჩაკეტილი მონაკვეთი უახლოეს საათებში გაიხსნება.“ – ნათქვამია განცხადებაში.
