რადას დეპუტატის ლიზა იასკოს ინფორმაციით, საქართველოს მესამე პრეზიდენტმა მიხეილ სააკაშვილმა გორის ჰოსპიტალში გადაყვანის შემდეგ კიდევ 3 კილოგრამი დაიკლო და სუსტადაა.
„ის ჯერ კიდევ სუსტადაა, შეხვედრის დასაწყისში ის მომეჩვენა უფრო მეტად დასუსტებული, ვიდრე ორშაბათს, თუმცა ორშაბათს ვიზიტისას, მე ვიყავი ძალიან შეშინებული მისი საერთო მდგომარეობით. მას მუდმივად უტარდება სხვადასხვა პროცედურა, მოდიან ექიმები, ჩვენი შეხვედრა ბევრჯერ გაწყდა იმის გამო, რომ მას უტარებდნენ დიაგნოსტიკას.
ის გახდა მას შემდეგ, რაც აქ გადმოიყვანეს კიდევ 3 კილოგრამით. რა თქმა უნდა, მუდმივად იმყოფება პალატაში და იმ პოსტრავმული სინდრომით, რომელიც მას აქვს, ცუდია, რომ არ აქვს შესაძლებლობა ჩაისუნთქოს ჰაერი და დაინახოს მზე.
ეს ძალიან ცუდია, რადგან ადამიანს ასეთ პირობებში გაცილებით ცუდად შეუძლია რეაბილიტირება. მიუხედავად ამისა, რა თქმა უნდა, მე მოხარული ვარ ამ შეხვედრის გამო. ვფიქრობ, რომ ახლა მას ძალიან ესაჭიროება თანადგომა, როგორც ახლობლებისა და ადვოკატების მხრიდან, ასევე, რა თქმა უნდა, ხალხის მხრიდან. მისი სიცოცხლისა და გათავისუფლებისთვის ბრძოლა გრძელდება“- განაცხადა ლიზა იასკომ.
