ჩეჩნეთის ლიდერი რამზან კადიროვი კორონავირუსზე ანტისხეულებზე ჩატარებული ტესტის პასუხს ასაჯაროვებს.
„მინდა იმედი გაგიცრუოთ, ბატონო ლიბერალებო, – ჩემმა ტესტმა ანტისხეულები არ გამოავლინა. ეს კი ნიშნავს, რომ კორონავირუსით არ ვყოფილვარ ავად“ – წერს ის სოციალურ ქსელ „კონტაქტზე“.
მისივე თქმით, მასთან ერთად ტესტი მხიარულთა და საზრიანთა კლუბის წევრებმაც ჩააბარეს, რომლებიც პანდემიის დროს მოხალისეებად მუშაობდნენ, ასევე მისი პრესსამსახურის თანამშრომლებმაც.
კადიროვის თქმით, ტესტმა აჩვენა, რომ იმ პირების 80%-მა, ვინც ანალიზი ჩააბარა, ვირუსი უკვე გადაიტანა.
ცნობისთვის, 21 მაისს გავრცელდა ინფორმაცია, რომ კადიროვი შესაძლოა ახალი კორონავირუსით ყოფილიყო დაინფიცირებული და მოსკოვის საავადმყოფოში იმყოფებოდა მეთვალყურეობის ქვეშ. რუსული მედია იმასაც წერდა, რომ მას ფილტვების 70 პროცენტი ჰქონდა დაზიანებული.
მოგვიანებით ის გამოჩნდა საზოგადოების წინაშე და ეს ინფორმაცია უარყო.
ქართულ საზოგადოებას კი მან ცოტა ხნის წინ გავრცელებული ბევრად მნიშვნელოვანი ინფორმაციით დაამახსოვრა თავი: უსაფრთხოების სამსახურმა დააკავა ჩეჩნური წარმოშობის პირი, რომელიც არსებული ცნობით, შესაძლოა სწორედ კადიროვის დავალებით აპირებდა ჟურნალისტ გიორგი გაბუნიას ლიკვიდაციას.
ჩეჩნეთის ლიდერმა ეს ინფორმაციაც უარყო.
