„მნიშვნელოვანია, რომ „პატრიოტთა ალიანსის“ რუსული შემადგენელი არ შემოვიდა პარლამენტში“, – ამის შესახებ საპარლამენტო უმრავლესობის ლიდერმა ირაკლი კობახიძემ ჟურნალისტებთან საუბრისას განაცხადა.
როგორც კობახიძე ამბობს, მნიშვნელოვანია, რომ პარლამენტში ოპოზიციაც იქნება წარმოდგენილი.
„მეათე მოწვევის პარლამენტი იქნება ისეთი, სადაც არც ერთი ღიად პრორუსული პარტია არ იქნება წარმოდგენილი. ეს პროცესი უდნა გაგრძელდეს და პარლამენტში არ უნდა ვიხილოთ ის პოლიტიკური ძალები, რომლებიც არიან ღიად ანტიდასავლურები. ვგულისხმობ „ნაციონალურ მოძრაობას“. მნიშვნელოვანია, რომ ოპოზიციური პარტია იქნება წარმოდგენილი საქართველოს პარლამენტში და ეს პროცესი უნდა გაგრძელდეს და გაგრძელდება აუცილებლად“, – აღნიშნა ირაკლი კობახიძემ.
ცნობისთვის, საქართველოს პარლამენტმა გელა მიქაძის, ფრიდონ ინჯიას და დავით ზილფიმიანის სადეპუტატო უფლებამოსილება ცნო.აღნიშნული პირების სადეპუტატო უფლებამოსილების საკითხის განხილვა პარლამენტის დღის წესრიგში მას შემდეგ დადგა, რაც „პატრიოტთა ალიანსის“ ლიდერებმა ირმა ინაშვილმა, გიორგი ლომიამ და გოჩა თევდორაძემ სადეპუტატო მანდატზე უარი თქვეს.
