Moderna-ში აცხადებენ, რომ მათი კოვიდის ვაქცინა 12-18 წლის ასაკის მოზარდებში ვირუსის გავრცელების შეჩერებას უწყობს ხელს.
ინფორმაციას ამის შესახებ Guardian-ი ავრცელებს.
Moderna-ს ინფორმაციით, კვლევებმა აჩვენა, რომ მათი ვაქცინა, რომლის ოფიციალური სახელწოდებაც mRNA-1273-ია,12-18 წლამდე მოზარდებში 100%-ით ეფექტურია.
კვლევაში მონაწილეობას 12-18 წლამდე 3 700 ახალგაზრდა იღებდა. ვაქცინის ორივე დოზის მიღების შემდეგ, კვლევის მონაწილეებში კოვიდის არცერთი სიმპტომატური შემთხვევა არ გამოვლენილა.
კომპანიის თქმით კვლევისას სერიოზული გვერდითი ეფექტები არ გამოვლენილა. Moderna აშშ-ს წამლისა და სურსათის ადმინისტრაციას ვაქცინის 12-18 წლამდე ასაკის მოზარდებში ავტორიზაცისთვის ივნისში მიმართავს.
ცნობისთვის, აშშ-ს სურსათისა და წამლის ასოციაციამ Pfizer/BioNTech-ს მათი ვაქცინის 12-15 წლამდე ასაკის მოზარდებში გამოყენების უფლება მისცა.
