მოლაპარაკებების დროს პირდაპირ ითქვა, რომ 20 ივნისი უნდა გადაიფურცლოს, – ამის შესახებ საპარლამენტო უმრავლესობის წევრმა, ირაკლი ზარქუამ განაცხადა.
„მიხვდნენ, რომ მთელი ექვსი თვის განმავლობაში თავიანთ ე.წ. პრინციპებში და მიდგომებში გაიჭედნენ და ახლა გამოეღვიძათ?! სახე რომ შეინარჩუნონ, ახლა რაღაცას იგონებენ. მიშელის დოკუმენტში წერია, რომ 20 ივნისი უნდა გადაიფურცლოს, ხოლო იქ, სადაც არის კონვენციის დარღვევა, არ შეეხება. რად უნდა ამას საგამოძიებო კომისიის დამატებით შექმნა“, – განაცხადა ზარქუამ.
