“მორწმუნეებს შეუძლიათ სჯეროდეთ, რომ ის 2-3 დღე, რაზეც ჩვენ ვსაუბრობდით დამთხვევა იყო, მორწმუნეებს შეიძლება სჯეროდეთ, რომ მათი (გიორგი გახარია და მიხეილ სააკაშვილი) ერთ სასტუმროში ყოფნაც დამთხვევა იყო”, – ამის შესახებ ჟურნალისტებთან უმრავლესობის ლიდერმა ირაკლი კობახიძემ განაცხადა.
“ჩვენ შეიძლება სხვა რამის გვწამდეს. რეალურად ეჭვები ყოვედღიურად მძაფრდება, რომ არის პოლიტიკური ალიანსი ორ პოლიტიკოსს შორის. ეს რა თქმა უნდა, ამ ე.წ. დამთხვევამ კიდევ უფრო გაამძაფრა“, – აღნიშნა კობახიძემ.
კითხვაზე, რატომ შეიძლება გიორგი გახარიას მიხეილ სააკაშვილთან თანამშრომლობა სურდეს, კობახიძე პასუხობს:
“ადგილობრივი თვითმმართველობის არჩევნები მოდის. ის ორნიშნასთან მიახლოებულ შედეგს ვერ აიღებს. ის პოლიტიკაში შემოდის იმისთვის, რომ რამდენიმე საკრებულოში ორი-სამი კაცი გაიყვანოს?! ის შემოდის იმავე მიზნით, რა მიზანიც “ნაციონალურ მოძრაობას“ აქვს, ეს არის ის, რომ “ქართული ოცნება“ რამენაირად 43%-ს დაახლოვოს. ინტერესები ძალიან მარტივად იკვეთება“, – განაცხადა კობახიძემ.
შეგახსენებთ, “კურიერის” ექსკლუზიური ინფორმაციით, გახარია და სააკაშვილი ვაშინგტონში ერთმანეთს შეხვდნენ.
