იზიარებენ თუ არა ვაშაძის ხედვას ნაციონალურ მოძრაობაში? – რუსთავი 2-ზე ღამის კურიერში დასმულ ირაკლი იმნაიშვილის კითხვას თავად გრიგოლ ვაშაძე ამგვარად პასუხობს:
“თვლა არ დამიწყია (თანამოაზრეების), მაგრამ ვიცი, რომ სწორად მოვიქეცი. არავისთან არაფერი შემითანხმებია, მაგრამ იმ ადამიანების აზრი და მხარდაჭერა, რომლებიც ჩემთვის ძალიან მნიშვნელოვნები არიან, მათ შორის – საქართველოს მესამე პრეზიდენტის მხარდაჭერა, ბევრს ნიშნავს.
ზოგმა მხარი დამიჭირა, ზოგმა თავი შეიკავა, ზოგმაც თავისი უფლება გამოიყენა, მაგრამ თვლას ნუ დავიწყებთ. მოვლენების ლოგიკა აჩვენებს რომ აბსოლუტურად სწორი ვიყავი.” – აცხადებს გრიგოლ ვაშაძე.
ცნობისთვის, გრიგოლ ვაშაძემ გუშინ 10 ნოემბერს განცხადება გაავრცელა. ის ოპოზიციას მთავრობასთან ერთად მოლაპარაკებების მაგიდასთან დასხდომისკენ მოუწოდებს.
გრიგოლ ვაშაძე ორდღიან დუმილს არღვევს და ისევ ხელისუფლებასთან დიალოგზე საუბრობს
