ჩვენ გვჭირდება ჰესები, რომ არ ვიყოთ დამოკიდებული ჩვენს მტერზე, – ამის შესახებ „ევროპული საქართველოს” ლიდერმა, გიგა ბოკერიამ განაცხადა.
ბოკერია მოუწოდებს საზოგადოებას, არ მიიღონ მონაწილეობა „ნამახვანჰესის” საწინააღმდეგო აქციაში.
„მე მინდა მოვუწოდო ყველა გულწრფელ მოქალაქეს, რომელიც ამ მთავრობაზე საფუძვლიანად არის გაბრაზებული, არ შეუერთდეს ამ პროტესტს. მინდა მოვუწოდო ყველა პოლიტიკურ პარტიას და სამოქალაქო ჯგუფს, არ აყვნენ ცდუნებას, რომ ხალხი გაბრაზებულია ეს არის შესაძლებლობა მთავრობის წინააღმდეგ ამის გამოყენების. ეს არ მოიტანს არც პრაგმატულად და არც მორალურად კარგ შედეგს”, – ამბობს ბოკერია.
