მშვიდობიან დასახლებებს, მათ შორის სტეპანაკერტს თავს დაესხნენ, – ამის შესახებ სომხეთის პრემიერ-მინისტრი, ნიკოლ ფაშინიანი სოციალურ ქსელ Twitter-ზე წერს.

„აზერბაიჯანმა არცახის წინააღმდეგ სარაკეტო და საჰაერო თავდასხმა განახორციელა. მშვიდობიან დასახლებებს, მათ შორის სტეპანაკერტს თავს დაესხნენ. სომხეთის მხარემ ორი ვერტმფრენი და სამი უპილოტო ჩამოაგდო, განადგურებულია სამი ტანკი. ჩვენ ჩვენი არმიის გვერდით ვრჩებით, რათა დავიცვათ ჩვენი სამშობლო აზერებაიჯანელების შემოჭრისგან“,- წერს ფაშინიანი.

Azerbaijan has launched a missile & aerial attack against #Artsakh. Peaceful settlements including #Stepanakert have been attacked. Armenian side has shot down 2 helicopters & 3 UAVs, destroyed 3 tanks. We stay strong next to our army to protect our motherland from Azeri invasion

— Nikol Pashinyan (@NikolPashinyan) September 27, 2020

შეგახსენებთ, რომ სომხეთმა საომარი მდგომარეობა გამოაცხადა.

სომხეთისა და აზერბაიჯანის საზღვარზე ვითარება უკიდურესად დაიძაბა. აზერბაიჯანული მედიის ცნობით, სომხეთის მხრიდან დღეს დილით ფართომასშტაბიანი შეტევა განხორციელდა. შედეგად არის მსხვერპლი.

როგორც აზერბაიჯანის თავდაცვის სამინისტროში ამბობენ, აზერბაიჯანელმა სამხედროებმა საპასუხო ცეცხლი გახსნეს.

სომხეთის პრემიერ-მინისტრის, ნიკოლ ფაშინიანის განცხადებით კი, მთიანი ყარაბაღის მიმართულებით შეტევა აზერბაიჯანის მხრიდანაა დაწყებული.

სომხეთის თავდაცვის სამინისტრო აზერბაიჯანული ვერტმფრენისა და უპილოტო საფრენი აპარატის ჩამოგდებას იტყობინება.

შეგახსენებთ, რომ ბაქოს და ერევანს წლებია კონფლიქტი აქვთ აზერბაიჯანის საერთაშორისოდ აღიარებული რეგიონის, მთიანი ყარაბაღის გარშემო. სომხეთის მიერ მხარდაჭერილმა სეპარატისტებმა აზერბაიჯანის ეს, ძირითადად სომხებით დასახლებული რეგიონი ადრეული 1990-იანი წლების ომით მოიპოვეს. ომს 30,000-მდე ადამიანი შეეწირა. კონფლიქტის გადაჭრის დიპლომატიურ მცდელობებს მნიშვნელოვანი პროგრესი არ მოჰყოლია.