ჩრდილოეთ ირლანდიაში მცხოვრები 90 წლის მარგარეტ კენანი მსოფლიოში პირველი ადამიანი გახდა, რომელმაც Pfizer/BioNTech-ის კორონავირუსის ვაქცინა გაიკეთა. ინფორმაციას ამის შესახებ BBC-ი ავრცელებს.

„თავს პრივილეგირებულად ვგრძნობ, რადგან პირველი ადამიანი ვარ, ვინც კოვიდის ვაქცინა გაიკეთა. ყველაზე მაგარი საჩუქარია.  ეს ნიშნავს, რომ მე შემიძლია ახალი წელი ჩემს ოჯახთან და მეგობრებთან ერთად გავატარო. მას შემდეგ, რაც მთელი წელი მარტო ვიყავი. ჩემი რჩევაა, რომ ყველამ გაიკეთოს ვაქცინა“,- აცხადებს ის.

ცნობისთვის, დღეს დიდ ბრიტანეთში მოსახლეობის მასობრივი ვაქცინაცია დაიწყო.

შეგახსენებთ, რომ ბრიტანეთი პირველი ქვეყანა გახდა, რომელმაც Pfizer/BioNTech-ის მიერ შექმნილი კორონავირუსის ვაქცინა  ფართო მოხმარებისთვის დაამტკიცა.

ნახეთ ვიდეო: მსოფლიოში პირველი ადამიანი, რომელმაც კოვიდის ვაქცინა გაიკეთა, 90 წლის ქალია