მე მზად ვარ ჩავენაცვლო იმ დარჩენილ სამ მძევალს – ამის შესახებ „ევროპული საქართველოს“ წევრმა გიგი უგულავამ ზუგდიდში, საქართველოს ბანკის შენობის მიმდებარე ტერიტორიაზე განაცხადა განაცხადა.
ზუგდიდის ოლქის მაჟორიტარობის კანდიდატმა პოლიციას მოუწოდა, რომ ბანკზე თავდამსხმელებს აღნიშნული ვერსია შესთავაზოს.
„თუ ახლა გამტაცებელი გვისმენს და ასევე პოლიციას მინდა ვთხოვო, რომ შესთავაზოს მათ მოლაპარაკება – რამდენადაც ვიცი სამი მძევალია დარჩენილი და მზად ვარ ჩავენაცვლო ამ ადამიანებს. თუ ახლა გვისმენს გამტაცებელი, ჯობია მძევალი დეპუტატობის კანდიდატი იყოს. თუ იქნება ორმხრივი თანხმობა, მზად ვარ ჩავენაცვლო დარჩენილ მძევლებს. რამდენიმეს ადამიანს, რომელიც ბანკიდან გამოვიდა შევხვდი, ეს ადამიანები შოკში არიან, ერთი ჩვენი თანამშრომლის ბიძაშვილია“, – აცხადებს უგულავა.
შეგახსენებთ, რომ ამ წუთებში ზუგდიდის ცენტრში სპეცოპერაცია მიმდინარეობს. თავდამსხმელები საქართველოს ბანკში შეიჭრნენ, რომლებმაც მძევლები აიყვანეს.
