„ლელო-საქართველოსთვის” წევრის, ანა ნაცვლიშვილის განცხადებით, მისი პარტია გზადყოფნას გამოთქვამს, რომ ხელისუფლებასთან მოლაპარაკებები გაგრძელდეს, თუმცა მოთხოვნები უცვლელია.
„ჩვენ მზად ვართ, შემდეგი რაუნდისთვის, როდესაც ხელისუფლება მზად იქნება, რომ რეალური წინადადებით მოვიდეს, რომელიც შექმნილი პოლიტიკური კრიზისიდან გამოსავლის შესაძლებლობას შექმნის. მიუხედავად იმისა, რომ ეს მარტივად გასამუხტი კრიზისი არ არის, ჩვენ იმ აზრზე ვრჩებით, რომ მოლაპარაკება ცივილიზებული სამყაროსთვის აუცილებელი ფორმაა და ჩვენი მხრიდან კარი არ იხურება, რადგან გვინდა ამ ქვეყანას შანსი მივცეთ, რომ ეს პოლიტიკური კრიზისი კიდევ უფრო არ გამწვავდეს.
რაც შეეხება ხელისუფლებას, რეალური წინადადებით უნდა მოვიდნენ და მოლაპარაკება მოლაპარაკებისთვის არ უნდა იყოს. ამ დღეებში ველოდებით, ჩვენ ყოველ შემთხვევაში მზად ვართ, ხოლო მოთხოვნები უცვლელია”, – განაცხადა ნაცვლიშვილმა.
