ეკონომიკის მინისტრი, ნათა თურნავა „ნამახვანჰესის“ გარშემო მიმდინარე მოვლენებს ეხმაურება.
თურნავას თქმით, კითხვებს პასუხები უნდა გაეცეს ექსპერტეთან ერთად და არა ქუჩაში.
„ესაა ძალიან მსხვილი და მნიშვნელოვანი პროექტი. ჩვენი ქვეყნის ეკონომიკური დამოუკიდებლობა ენერგეტიკაზე გადის, ენერგეტიკული დამოუკიდებლობა კი – საკუთარი, განახლებადი რესურსების განვითარებაზე. როდესაც საუბარია ასეთი მასშტაბის ჰიდროსადგურზე, ეს, ნებისმიერ ქვეყანაში, გარკვეული განმარტებების რეჟიმში განხილვის თემა. სხვა ქვეყნებშიც გამოუწვევია პროტესტი მსხვილ ჰიდროსადგურებს. აქედან გამომდინარე, რაღაც განსაკუთრებული პროცესი ეს არაა, მაგრამ ჩვენ, ხელისუფლება ვალდებულები ვართ, რომ ასეთ დროს ყველა კითხვას პასუხი გავცეთ.
კახა კალაძე: რაც შეიძლება ბევრი ჰიდროელექტროსადგური უნდა აშენდეს ქვეყანაში
როდესაც საუბარია ეკოლოგიაზე, უსაფრთხოებაზე, პროექტის დეტალებზე, ეს პასუხები უნდა გაიცეს კომპეტენტურად, ექსპერტების დახმარებით, მათი ჩართულობით და რა თქმა უნდა, არა ქუჩაში, კარვებში, მეგაფონის მოშველიებით, ეს არაა სწორი ფორმატი იმისთვის, რომ მოსახლეობამ პროექტის შესახებ სიმართლე გაიგოს. ძალიან ბევრი არასწორი ინფორმაცია, ბევრი მითი ცირკულირებდა და ჩვენც და ინვესტორი კომპანიაც, მაქსიმალურად ვცდილობთ ამ მითების გაქარწყლებასა და მოსახლეობისთვის მეტი ინფორმაციის მიწოდებას. ხელისუფლებამ მიაღწია შეთანხმებას კომპანიასთან, რომ კაშხლის მშენებლობაზე სრული მორატორიუმი გამოცხადებულიყო. სწორედ კაშხალია ის დიდი ნაგებობა, რომელთან დაკავშირებითაც, ძალიან ბევრი კითხვა ვრცელდებოდა. მიღწეულია 12-თვიანი მორატორიუმი, კომპანია მხოლოდ წინასწარი სამუშაოთია შემოფარგლული“, – განაცხადა ნათია თურნავამ.
