NATO ბელარუსისთვის საფრთხეს არ წარმოადგენს,- ამის შესახებ NATO-ს გენერალურმა მდივანმა, იენს სტოლტენბერგმა განაცხადა. ინფორმაციას Reuters ავრცელებს.
„NATO ბელარუსისთვის საფრთხეს არ წარმოადგენს და რეგიონში სამხედრო ობიექტები არ გააჩნია. ჩვენ კვლავ ფხიზლად ვართ, ვიცავთ თავს და მზად ვართ, შევაკავოთ ნატო-ს მოკავშირეების წინააღმდეგ განხორციელებული ნებისმიერი აგრესია“, – განაცხადა ალიანსის გენერალურმა მდივანმა.
ცნობისთვის, 16 აგვისტოს ალექსანდრე ლუკაშენკომ განაცხადა, რომ ქვეყნის საზღვრის დასავლეთ ნაწილთან ჩრდილოატლანტიკურმა ალიანსმა ტანკები და თვითმფრინავები განათავსა.
