„რუსეთი განაგრძობს დესტაბილიზაციის გამომწვევი ქცევის დემონსტრირებას, მათ შორის უკრაინისა და საქართველოს სუვერენიტეტისა და ტერიტორიული მთლიანობის დარღვევას,მრავალი საერთაშორისო ვალდებულების, მათ შორის ბუდაპეშტის მემორანდუმის დარღვევას”,- ამის შესახებ განცხადებას ნატო ავრცელებს.
“მაგალითად, მოკავშირეთა არჩევნებში ჩარევის მცდელობა, მათ შორის აშშ-ის საპრეზიდენტო არჩევნები, ფართო დეზინფორმაციული კამპანიები და მავნე კიბერსაქმიანობა“, – ნათქვამია ნატოს განცხადებაში.
ნატოში აცხადებენ, რომ ალიანსი განაგრძობს თანამშრომლობას რუსეთის ქმედებებზე რეაგირებისთვის. ალიანსი ასევე მოუწოდებს რუსეთს, დაუყოვნებლივ შეწყვიტოს დესტაბილიზაციის გამომწვევი ქმედებები და თავისი საერთაშორისო ვალდებულებები დაიცვას.
ნატო ასევე მოუწოდებს რუსეთს, შეწყვიტოს პროვოკაციები და დაუყოვნებლივ განმუხტოს ვითარება უკრაინის საზღვრებსა და უკანონოდ ანექსირებულ ყირიმში.
