„ნაციონალური მოძრაობა“ საქალაქო სასამართლოსთან აქციას გამართავს, რაც საქართველოს მესამე პრეზიდენტის სასამართლო პროცესს უკავშირდება. მოქალაქეები ადგილზე 11:00 საათიდან შეიკრიბებიან.
მესამე პრეზიდენტს პროცესზე დასწრების უფლება მისცეს, ის უკვე საქალაქო სასამართლოში გადაჰყავთ.
სააკაშვილი თანხების გაფლანგვის საქმეზეა ბრალდებული.
ამ დანაშაულს ამნისტია არ შეეხება. საუბარია 2009 წლის 01 მაისიდან 2013 წლის 25 თებერვლამდე ჩადენილ ქმედებებზე, რომელიც მიხეილ სააკაშვილის დავალებით, სახელმწიფო დაცვის სპეციალურმა სამსახურმა გრიფით საიდუმლო დოკუმენტით დამალა. ყოფილ პრეზიდენტს ბრალდება 2014 წლის 13 აგვისტოს წარედგინა. დამტკიცების შემთხვევაში, ეს დანაშაული 7-დან 11 წლამდე პატიმრობით ისჯება.
