რუსი ოპოზიციონერი, ალექსეი ნავალნი მშვიდობის დარგში ნობელის პრემიაზე წარადგინეს. ინფორმაციას Meduza ავრცელებს.

ამ პრესტიჟულ ჯილდოზე ალექსეი „აღიარებული უნივერსიტეტების პროფესორებმა წარადგინეს, რომლებიც რუსეთს სწავლობენ“. მათი ზუსტი სახელები უცნობია.

ცოტა ხნის წინ ნავალნის გუნდმა სოციალური ქსელ Instagram-ზე განცხადება გაავრცელა. მათი თქმით,  ალექსეი ციმბირის ქალაქ ტომსკის სასტუმროს ოთახში მოწამლეს და არა აეროპორტში.

შეგახსენებთ, რომ 20 აგვისტოს ქალაქ ტომსკიდან მოსკოვში თვითმფრინავით მგზავრობისას, ალექსეი ნავალნი ცუდად გახდა, რის გამოც თვითმფრინავი ავარიულად, ომსკში დაეშვა, სადაც ნავალნი მოწამვლის სიმპტომებით რეანიმაციაში მოათავსეს.

22 აგვისტოს ალექსეი ნავალნი სამკურნალოდ გერმანიაში გადაიყვანეს.

2 სექტემბერს გერმანიის მთავრობამ ოფიციალური განცხადება გამოაქვეყნა და დაადასტურა, რომ ალექსეი ნავალნი „ნოვიჩოკის“ ნერვული აგენტითაა მოწამლული.