„აბსოლუტურად ყველაფერი, რასაც მე ვამბობდი, რომ ეს იყო კანონდარღვევა, რასაც მე ვამბობდი, ამ ნაბიჯით დადასტურდა. თვალთმაქცობდა მთელი ამდენი ხნის განმავლობაში და ყველას ნაცარს აყრიდა თვალში“, – ასე ეხამურება იუსტიციის უმაღლესი საბჭოს არამოსამართლე წევრი ნაზი ჯანეზაშვილი, ანა დოლიძის თანამდებობიდან წასვლას.
„აბსოლუტურად ყველაფერი, რასაც მე ვამბობდი, რომ ეს იყო კანონდარღვევა, რასაც მე ვამბობდი, რომ იყო კითხვის ნიშნები დაფინანსებასთან დაკავშირებით და ეს დასადგენია კიდევ აი ამ ნაბიჯით დადასტურდა.
თვალთმაქცობდა მთელი ამდენი ხნის განმავლობაში, მაშინ როცა ის ამბობდა, რომ თანამდებობიდან წასვლის საფუძველი არ ჰქონდა.
მთელი ამ ხნის განმავლობაში რასაც უმტკიცებდა საზოგადოებას ანა დოლიძე, რომ ის კანონს არ არღვევდა მისი დღევანდელი მისი ნაბიჯით საპირისპირო დამტკიცდა“, – ამბობს ნაზი ჯანეზაშვილი.
ჩვენს კითხვაზე, უბიძგა თუ არა ნაზი ჯანეზაშვილის განცახდებებმა, რომ ანა დოლიძეს დაეტოვებინა თანამდებობდა, ჯანეზაშვილი ასე გვპასუხობს:
„ჩემი განცხადებები მოტივირებული იყო იმით, რომ საზოგადოებას გაეგო რა ხდებოდა საბჭოში. რეალურად დეკლარირებული პოლიტიკოსი აგრძელებდა ჩვეულებრივ საქმიანობას. თუ ამ განცხადებებმა საზოგადოების აზრის ფორმულირება მოახდინა და მერე გახდა იძულებული ანა დოლიძე, რომ წასულიყო, შესაძლებელია, რომ დიახ, ამით მიიღო გადაწყვეტილება.
მე, რომ განცხადებები არ გამეკეთებინა და რომ არ მეთქვა, რომ ის არღვევდა კანონს, შესაძლოა ის საბჭოში ყოფილიყო დღემდე. ის ამბობდა, რომ არ ვარ მე პოლიტიკოსიო, გუშინაც დადო ლაივი „ფეისბუქზე“, სადაც ამბობს, რომ „მოძრაობა ხალხისთვის“ არასამთავრობო ორგანიზაციააო.
მას პოლიტიკური მიზნები რომ არ ჰქონოდა აქამდე, ან ახლა, ის თანამდებობიდან არ წავიდოდა. უბრალოდ აქამდე ყველასა აყრიდა თვალში ნაცარს, იმ განცხადებებით თითოს ის პოლიტიკაში არ იყო. დადასტურდა, რომ ის არის პოლიტიკაში და სწორედ ამიტომ წავიდა თანამდებობიდან“, – განაცხადა ნაზი ჯანეზაშვილმა.
