ის რაც „ნაციონალური მოძრაობის“ ოფისში მოხდა გავრილოვის გამო, რომელსაც აქეთ გატენიან, გიდებენ იარაღივით და ნარკოტიკივით, რაც ასევე, სამწუხაროდ, ამ პოლიციის სავაჭრო ნიშანი გახდა, ნიკა მელიას მთლიანად ეს გავრილოვი ჩაუდეს, – ამის შესახებ ოპოზიციონერმა, გიგი უგულავამ განაცხადა.
„ჩაუდეს და ამის გამო დააპატიმრეს დღეს. ამიტომ, მიუხედავად იმისა, რომ სიცივეა და სეზონი არ არის, „კომენდანტის საათია“ და თითოეული ჩვენთანაგი პირბადეებით დავდივართ და ვცდილობთ თავი და სხვები დავიცვათ, მიუხედავად, რომ ჩვენი მთავრობა ქვეყანაში უკანასკნელია და ავღანეთმაც დაიწყო ვაქცინცაია და საქართველო უკან მიდევნებული ლამპარივითაა, ყველაფერი ამის მიუხედავად, აღარ გვაქვს ფუფუნება ასე თბილად ვისხდეთ“, – განაცხადა უგულავამ.
ვიდეო ↓ ნიკა მელიას გავრილოვი ჩაუდეს – გიგი უგულვა
დღეს დილით, 23 თებერვალს, სამართალდამცველებმა ნიკა მელია ოფისში დააკავეს.
ნაციონალური მოძრაობის” ოფისთან სპეციალური დანიშნულების რაზმმა ცრემლსადენი გაზი გაუშვა.
დაპირისპირების დროს სამართალდამცველებმა 21 აქტივისტი დააკავეს.
სამართალდამცველები „ნაციონალური მოძრაობის“ოფისში დღეს დილით შევიდნენ.
ცნობისთვის, ნიკა მელიას თბილისის საქალაქო სასამართლომ აღკვეთის ღონისძიებად პატიმრობა 17 თებერვალს შეუფარდა.
ნიკა მელიას დაკავების ფაქტის შესახებ დაიწერა საერთაშორისო მედიაშიც.
