„ნაციონალური მოძრაობის“ თავმჯდომარის, ნიკა მელიას სასამართლო პროცესი გადაიდო. მოსამართლეს პროცესის გადადების შუამდგომლობით ადვოკატებმა მიმართეს.
„დღეს სიურპრიზად შემოგვთავაზეს, რომ აპირებდნენ ვიდეო მტკიცებულებების განხილვას, რაც იყო შეთანხმების დარღვევა. მრავალსაათიანი ვიდეო მასალაა და უნდა გვქონოდა შესაძლებლობა, რომ გაგვეარა და მოვმზადებულიყავით სხდომისათვის“, – აღნიშნა კონდახაშვილმა.
ცნობისთვის, ნიკა მელიას გირაოს თანხა – 40 000 ლარი ევროკავშირმა 8 მაისს გადაიხადა. აღნიშნული თანხა „ევროპულმა ფონდმა დემოკრატიისთვის“ (European Endowment for Democracy) გამოყო და ხელისუფლებას „საქართველოს ახალგაზრდა იურისტთა ასოციაციამ” გადასცა. ამის შემდეგ ნიკა მელია პატიმრობიდან გათავისუფლდა.
