„Ptn”-სთვის ცნობილი გახდა, რომ ნიკა მელიას თავს დაესხნენ. როგორც ჩვენთან საუბრისას მელიას საარჩევნო შტაბის ხელმძღვანელი თორნიკე ბიკაშვილი აცხადებს , მომხდარის შედეგად არავინ დაშავებულა.
შემთხვევა გლდანში მოსახლეობასთან შეხვედრისას მოხდა. როგორც განმარტავენ, კორპუსიდან მათ ქვები და კვერცხები ესროლეს.
„კორპუსიდან სავარაუდოდ, მაღალი სართულიდან ქვები ისროლეს მაშინ, როცა ნიკა მელია მოსახლეობასთან გლდანულაში შეხვედრას მართავდა.
საპატრულო პოლიცია დაგვიანებით მოვიდა. მათი ინფორმაციით, საქმე კრიმინალურ პოლიციას გადაეცა. როგორც ვიცით, დაკავებული არავინ არის.
თავად ნიკა მელიას არაფერი მოხვედრია, თუმცა ამ შეხვედრაზე იმყოფებოდნენ ოჯახები, რომლებსაც თან პატარა ბავშვები ახლდათ. საბედნიეროდ, დაზიანებებისგან ყველა გადარჩა.
შემთხვევა გლდანულაში, გლდანის ხევის მე-8 ა კორპუსის მიმდებარედ სკვერში მოხდა.” – აცხადებენ შტაბში.
