ოკუპირებული აფხაზეთის ქალაქ ოჩამჩირის მკვიდრ, 2008 წელს დაბადებულ ალექსანდრა გვარამიას 3 თებერვლის შუადღიდან ეძებენ, – განუცხადა აფხაზურ მედიას ე.წ. შინაგან საქმეთა მინისტრის თანაშემწემ ბადრი აიბამ.
„მოწმეებმა მიუთითეს, რომ მან სახლი დატოვა დაახლოებით 12 საათზე და მიტოვებული ჩაის ფაბრიკისკენ დაიძრა“, – თქვა მან.
თვითმხილველების ინფორმაციით, იმ დროისთვის ჩაის ფაბრიკისკენ გაემართა ოჩამჩირის მკვიდრი, 2001 წელს დაბადებული ინალ გამახარია.
გოგონას სამძებრო სამუშაოებში სამართალდამცავებთან ერთად მონაწილეობას კინოლოგებიც ღებულობენ. სამძებრო ოპერაციას პირადად ხელმძღვანელობს დე ფაქტო აფხაზეთის შს დიმიტრი დბარი.
ავტორი: თეა შონია
