„სულ მალე, ერთ საათში ჩვენ გავიგებთ „ქართული ოცნება“ აპირებს შედარებით მშვიდი ნაბიჯით სვლას პოლიტიკური სამყაროსკენ, თუ ძალიან სწრაფად დაენარცხება პოლიტიკურ სამარეში, აი ამ არჩევანის გაკეთება უწევს მას“,- ასე ეხმაურება „ნაციონალური მოძრაობის“ წევრი, რომან გოცირიძე ნიკა მელიას საქმეზე მიმდინარე მოვლენებს.
როგორც რომან გოცირიძე ამბობს, ოპოზიცია ყველანაირ „მიწისძვრას უძლებს“.
დღეს მოსამართლემ უნდა მიიღოს პოლიტიკური გადაწყვეტილება, ის გადაწყვეტილება, რასაც დაავალებს პოლიტიკური ხელმძღვანელობა, მაგრამ გაზვიადებული იქნება იმაზე საუბარი, რომ გადაწყვეტილებას იღებს „ქართული ოცნება“, გადაწყვეტილება იქნება ისეთი, რასაც უკარნახებს ბიძინა ივანიშვილი.
ამ მასშტაბის პოლიტიკური ფიგურის, ამ მასშტაბის პოლიტიკური პარტიის ლიდერის დაპატიმრების ერთადერთი გადაწყვეტილების მიმღები არის ბიძინა ივანიშვილი, პერსონალური პასუხისმგებლობა დაეკისრება მას მთელი თავისი ფინანსებით, თუ სხვა იმ აქტივებით, რაც მას გააჩნია. დაცვას რაც შეეხება, ერთ-ერთი პირველი ვთქვი სიმბოლურად და ეს სიმბოლური ნათქვამი არის ის რომ აი ეს შენობა, ეს ოფისი მყარად ნაშენებია და ცხრა ბალიან მიწისძვრას უძლებს მეთქი, გაუძლებს ყველანაირ მიწისძვრას ოპოზიცია, გაუძლებს ყველანაირ უსამართლობას და შეტევას, მაგას ვნახავთ ძალიან მალე“,- განაცხადა რომან გოცირიძემ.
ცნოსბითვის, „ნაციონალური მოძრაობის“ თავმჯდომარეს, ნიკა მელიას პარლამენტმა იმუნიტეტი მოუხსნა. გადაწყვეტილებას პარლამენტში 88 დეპუტატმა დაუჭირა მხარი, წინააღმდეგი მხოლოდ 2 იყო.
პროკურატურამ პარალმენტს იმუნიტეტის შეწყვეტის თხოვნით მას შემდეგ მიმართა, რაც ნიკა მელიას გირაოს გადახდის ვადა ამოეწურა. მელია ამბობს, რომ იგი გირაოს არ გადაიხდის და არც სასამართლოში აპირებს მისვლას.
