„დიდი ხანია ვიძახი, რომ ოპოზიციას არაფერი ეტყობა იმის, რომ გამარჯვება უნდა. არ ვიცი, ეს იმის შედეგია, რომ ოპოზიცია და ხელისუფლება შეთანხმებულია თუ სხვა ნებისმიერი მიზეზის გამო, მაგრამ რასაც ფიზიკურად ვუყურებ, ოპოზიციას არ აქვს სურვილი, მართლაც რამე სერიოზულზე შეთანხმდეს“, – ამის შესახებ პარტია „გირჩის“ თავმჯდომარემ იაგო ხვიჩიამ სატელევიზიო ეთერში სტუმრობისას განაცხადა.
„ბევრჯერ ვცადეთ გაგვერკვია, რა სურდა ოპოზიციას. ჩანს, რომ ეს კამპანია არ არის იმისთვის, რომ ოპოზიციას გამარჯვება სურდეს. ლევან იოსელიანმა მითხრა და ასეცაა, რომ მას შემდეგ რაც ბიძინა ივანიშვილი მოვიდა ხელისუფლებაში, 15 არჩევნები აქვს ოპოზიციას წაგებული და სულ ერთი ტაქტიკა აქვს. ამის შემდეგ ხომ შეიძლება მე ეჭვი გამიჩნდეს, რომ შენ რეალურად წაგება გინდა და მეორე ადგილისთვის „ჩალიჩობ“ და არა გამარჯვებისთვის“, – აღნიშნა იაგო ხვიჩიამ.
