„ოპოზიციას რიგგარეშე არჩევნების მოთხოვნის უფლება არ აქვს“,- ამის შესახებ მოლაპარაკების მეოთხე რაუნდის დასრულების შემდეგ, მმართველ პარტიის წევრმა, ირაკლი კობახიძემ განაცხადა.
მისი თქმით, ოპოზიცია ვერ ადასტურებს იმას, რომ არჩევნებში სისტემური ხარვეზები იყო.
„ვერც ერთი პუნქტით ვერ ამტკიცებენ ისინი, რომ რაიმე სისტემური ტიპის ხარვეზი იყო არჩევნებში, რა თქმა უნდა, იყო ლოკალური ხარვეზები. ამაზეც გვქონდა მსჯელობა. ვერც ერთ პუნქტში ისინი ვერ ამტკიცებენ, რომ 48% არ არის 48%. ამაზე შეგვიძლია მსჯელობის გაგრძელება, თუმცა ოპოზიციას რიგგარეშე არჩევნების მოთხოვნის საფუძველი არ აქვს. დღესაც დაინახეს, რომ არანაირი სისტემური გაყალბება არ ყოფილა“,- განაცხადა ირაკლი კობახიძემ.
ცნობისთვის, ოპოზიციასა და ხელისუფლებას შორის მოლაპარაკების მეოთხე რაუნდი გაიმართა, თუმცა მხარეები ერთიან პოზიციაზე ვერ შეთანხმდნენ.
