პარტია „ლელო საქართველოს“ ერთ-ერთი ლიდერის, ბადრი ჯაფარიძის განცხადებით, 54 ოპოზიციონერი დეპუტატის მოსაზრებები პარლამენტში შესვლასთან დაკავშირებით არ შეცვლილა და ოპოზიციის ერთობას არაფერი ემუქრება. ამის შესახებ მან ჟურნალისტებთან საუბრისას განაცხადა.
„არის ერთი პარტია, რომელსაც თავისი გზა აქვს და ვართ ჩვენ. ჩვენ ვსაუბრობთ 54 ოპოზიციონერზე (51+3 ოპოზიციონერი დეპუტატი), რომელთა მოსაზრებები არ შეცვლილა. „გირჩის“ წევრებს აქვთ მოსაზრება, იმასთან დაკავშირებით, რომ შეიძლება არსებობდეს სხვა ტიპის, განსხვავებული მოდელი. მათ აქვთ ამის ლეგიტიმური უფლება, ჰქონდეთ ეს მოდელი, მაგრამ მთავარია, ისინი არ მოიაზრებენ პარლამენტში შესვლას, თუ არ იქნება პოლიტიკური შეთანხმება“,- განაცხადა ჯაფარიძემ.
