„ამომრჩეველს უნდა ავუხსნათ, რომ ოპოზიციის განცხადება, რომ ისინი არ მონაწილეობენ მეორე ტურში არის, როგორც ფაქტობრივი, ასევე სამართლებრივი ბლეფი“, – ამის შესახებ იუსტიციის ყოფილმა მინისტრმა თეა წულუკიანმა „ქართული ოცნების“ ცენტრალურ ოფისში გამართულ ბრიფინგზე განაცხადა.
წულუკიანმა „ქართული ოცნების“ მხარდამჭერებს უპრეცედენტო მობილიზაციისკენ და არჩევნების მეორე ტურში მონაწილეობისკენ მოუწოდა.
„თითოეულ ამომრჩეველს ვის მხარდამჭერადაც ის არ უნდა მოიაზრებოდეს უნდა ავუხსნათ, რომ ოპოზიციის განცხადება, რომ ისინი არ მონაწილეობენ მეორე ტურში არის, როგორც ფაქტობრივი, ასევე სამართლებრივი ბლეფი, რადგან ჩვენი კანონმდებლობა არ ითვალისწინებს იმას, რომ მეორე ტურში ვინმემ აღარ მიიღოს მონაწილეობა.
თქვენ, როდესაც მიბრძანდებით საარჩევნო ურნასთან იქ რა თქმა უნდა იქნება ხუთი, ხუთოსანი პარტია, იქნება 41, ანუ „ქართული ოცნების“ კანდიდატი ან სხვა კანდიდატი, რომელიც „ქართული ოცნების“ კანდიდატთან ერთად „ნაციონალური მოძრაობის“ ნაცვლად გავიდა მეორე ადგილას.
ამიტომ არჩევანის საშუალებას, რა თქმა უნდა, როგორც მანამდე, ხელისუფლება და შესაბამისი სახელმწიფო ინსტიტუტები, უზრუნველყოფს მეორე ტურზეც. რა თქმა უნდა, თქვენ გექნებათ არჩევანი. მე მინდა „ქართული ოცნების“ მხარდამჭერებს მოვუწოდო უპრეცენდენტო მობილიზაციისკენ, რადგან მეორე ტური არის ძალიან მნიშვნელოვანი არჩევნების დღე და კარგი იქნება თუ ოპოზიციის ამომრჩეველიც გამოვა და მათთვის სასურველ კანდიდატს მისცეს ხმას. შესაბამისად, მეორე ტური შედგება და ბლეფია იმის მტკიცება თითქოს თუკი ისინი იტყვიან, რომ აღარ გვინდა მეორე ტური, მეორე ტური ან არ, ან ვერ შედგება“, – განაცხადა თეა წულუკიანმა.
