ოპოზიციურმა პარტიემბა ხელი მოაწერეს შეთანხმების მესამე ნაწილს, რითიც შესაძლო მომავალმა კოალიციურმა მთავრობამ „ქართული ოცნების” გარეშე ქვეყნის ეკონომიკური კრიზისიდან გამოყვანა უნდა უზრუნველყოს.
დოკუმენტს ხელს აწერერენ ოპოზიციური პარტიები „გირჩი”, „ევროპული საქართველო”, „ნაციონალური მოძრაობა”, „სტრატეგია აღმაშენებელი” და „ერთიანი საქართველო”.
„რომ მოვალთ ხელისუფლებაში, მერე კი არ დავიწყებთ ძებნას, რის გაკეთებას ვაპირებთ, არამედ დღეიდან ვიცით, რომ განათლებაში მეტი დეცენტრალიზაცია უნდა იყოს, მასწავლებელი დაფასებული უნდა იყოს, პოლიტიკური წნეხისგან უნდა გავათავისუფლოთ, საკუთრება ადამიანებს უნდა დავურეგისტრიროთ, მიწის რეგისტრაციის პრობლემა ხალხს არ უნდა ჰქონდეს და ა.შ. სხვა უამრავი საკითხი, რაც ამ პუნქტების ქვეშაა. მთავარი და ფუნდამენტურია, რომ ჩვენ ვართ ხალხის საკეთილდღეოდ შეკრებილი ადამიანები,”- განაცხადა გიორგი ვაშაძემ.
„გირჩის” ლიდერის, ზურაბ ჯაფარიძის განცხადებით, ერთ-ერთი პუნქტი სახელმწიფოში არსებული ქონების ხალხისთვის დაბრუნებას ეხება.
“ეს პაკეტი ეხება ეკონომიკას და განათლებას. ეკონომიკაში გვაქვს სამი რაღაც – ერთი ეხება სახელმწიფოს ხელში არსებული საკუთრების მოქალაქეებისთვის დაბრუნებას, განათლების სისტემაში მთავარი რაც არის, რაზეც შევთანხმდით, არის ის, რომ კერძო საგანმანათლებლო ინსტიტუტები უნდა გათავისუფლდნენ სახელმწიფო რეგულაციებისგან და რაც დარჩება საჯარო, უნდა ჰქონდეს მაქსიმალური ავტონომია მათ შორის ფინანსური,”-განაცხადა ზურაბ ჯაფარიძემ.
