“ოქტომბრის არჩევნები ეს არ არის პოლიტიკოსების არჩევნები, ეს არის ამ ქვეყანაში თითოეული ოჯახის არჩევნები თუ როგორ გაგრძელდება მათი მომავალი ცხოვრება და გვექნება თუ არა ყველას ერთად მომავლის პერსპექტივა, ეკონომიკური წინსვლა და დამშვიდებული ევროპული ქვეყანა” – ამის შესახებ “ევროპული საქართველოს” ერთ-ერთმა ლიდერმა დავით ბაქრაძემ განაცხადა.
“ევროპული საქართველოს” ლიდერი ზუგდიდში მოსახლეობას შეხვდა. დავით ბაქრაძემ 2020 წლის საპარლამენტო არჩევნებზე ისაუბრა. ბაქრაძის თქმით, ან ქვეყანა შეიცვლება, წავა წინ და მოსახლეობა იცხოვრებს უკეთესად ან ყველა ის პრობლემა რაც დაგროვდა ბოლო 8 წლის განმავლობაში გაგრძელდება და გაღრმავდება.
“ზუგდიდშიც და მთელ საქართველოშიც მოსახლეობას აწუხებს ძირითადი პრობლემები, როგორიც არის უმუშევრობა, სიღარიბე, გაძვირებული ცხოვრება და გაზრდილი ფასები, უპერსპექტივობის განცდა და უნდა გვესმოდეს, რომ ყველა ამ პრობლემის მოგვარება შეიძლება ერთადერთი გზით, ეს არის ცვლილებების მოტანა და გამარჯვება ოქტომბრის საპარლამენტო არჩევნებზე. ამიტომ საპარლამენტო არჩევნები ეს არის გარდამტეხი მომენტი ჩვენი და ჩვენი ქვეყნის მომავლისთვის.
ან ქვეყანა შეიცვლება, წავა წინ და მოსახლეობა იცხოვრებს უკეთესად ან ყველა ის პრობლემა რაც დაგროვდა ბოლო 8 წლის განმავლობაში გაგრძელდება, გაღრმავდება და მივიღებთ კიდე უფრო უარეს სურათს, ამიტომ თითოეულ ადამიანს უნდა ესმოდეს – ოქტომბრის არჩევნები ეს არ არის პოლიტიკოსების არჩევნები, ეს არის ამ ქვეყანაში თითოეული ოჯახის არჩევნები თუ როგორ გაგრძელდება მათი მომავალი ცხოვრება და გვექნება თუ არა ყველას ერთად მომავლის პერსპექტივა, ეკონომიკური წინსვლა და განვითარებული და დამშვიდებული ევროპული ქვეყანა”, – განაცხადა დავით ბაქრაძემ
