„ერთიანი ნაციონალური მოძრაობის“ წევრი ნუგზარ წიკლაური აცხადებს, რომ პაატა ბურჭულაძე შესაძლოა მოძრაობა „ძალა ერთობაშიას“ საარჩევნო სიის წევრი იყოს.
„სიის ფორმირება ახლა მიმდინარეობს. საბოლოო გადაწყვეტილებას პოლიტიკური საბჭო მიიღებს. ვფიქრობ, დიდი დრო არ დარჩა იქამდე, როდესაც საზოგადოებისთვის ცნობილი გახდება ყველა იმ ადამიანის ვინაობა, ვინც საპარლამენტო არჩევნებზე „ერთიან ნაციონალურ მოძრაობას წარმოადგენს.
რაც შეეხება პაატა ბურჭულაძეს, უკვე დიდიხანია მასთან საუბარი მიმდინარეობს. ჩვენთვის მისასალმებელი იქნება, თუ ისეთი ადამიანები, რომლებმაც საქართველოს სახელის პოპულარიზაცია შეძლეს, „ნაციონალური მოძრაობის“ წევრები იქნებიან.
რამდენადაც ჩემთვის ცნობილია, ეს წინადადება, რომ იგი შეიძლება „ნაციონალური მოძრაობის“ და „ძალა ერთობაშიას“ სიის წევრი იყოს, თავად პაატა ბურჭულაძისთვისაც მისაღებია და ის ოქტომბერში ჩვენს საერთო ბრძოლას შეუერთდება,” – განაცხადა ნუგზარ წიკლაურმა.
