მართვის ცენტრ „112“-ის დირექტორის, გიორგი არსოშვილის განცხადებით, პანდემიის გამო წინა წელთან შედარებით მიმართვიანობა 80%-ით არის გაზრდილი. ამის შესახებ ცენტრის დირექტორმა საკოორდინაციო სხდომის დასრულების შემდეგ განაცხადა.
მისივე თქმით, პანდემიის მიუხედავად, ცენტრში არამიზნობრივი ზარების რაოდენობა არ შემცირებულა.
„112“-ზე პანდემიის გამო წინა წელთან შედარებით 80%-ით არის გაზრდილი, რამაც თავისთავად გამოიწვია დაყოვნება, რისთვისაც თითოეულ მოქალაქეს მინდა კიდევ ერთხელ ბოდიში მოვუხადო.
ჩვენ ყველა ღონისძიება გავატარეთ, რათა აღმოფხვრილიყო პრობლემები. ჩვენ გავხსენით დამატებითი ალტერნატიული ცენტრი ყველა თანამშრომელი გადაყვანილი იქნა განსაკუთრებულ ცვლებში, 200 ოპერატორი დაემატა „112“-ს , ასევე გაძლიერდა სასერვერო სისტემა. ასევე „112“ დაიყო სამ არხად, რათა რაციონალურად მომხდარიყო სატელეფონო ხაზების გამოყენება.
მიუხედავად პენდემიისა, „112“-ში არამიზნობრივი ზარების რაოდენობა არ შემცირებულა. მსგავსი ზარების რაოდენობა დაახლებით არის 30%. მინდა კიდევ ერთხელ მოვუწოდო მოსახლეობას, რომ დარეკონ მხოლოდ საჭიროების შემთხვევაში.
