კრემლის პრესსპიკერი, დიმიტრი პესკოვი აცხადებს, რომ რუს ოპოზიციონერ ალექსეი ნავალნის „დევნის და სიდიადის ბოდვა“ აქვს. ინფორმაციას Tass-ი ავრცელებს.
„თავს ნებას მივცემ, ჩემი პირადი აზრი გამოვხატო, რასაც, როგორც წესი, არ ვაკეთებ ხოლმე. შეიძლება ითქვას, რომ ამ პაციენტს დევნის ბოდვის მძიმე ფორმა აქვს და სიდიადის ბოდვის სიმპტომებიც აშკარაა. ზოგი ამბობს, რომ ის საკუთარ თავს იესოსაც კი ადარებს“, – განაცხადა პესკოვმა.
შეგახსენებთ, რომ ალექსეი ნავალნიმ გამოაქვეყნა სატელეფონო საუბრის ჩანაწერი ადამიანთან, რომელიც სავარაუდოდ ფსბ-ს საიდუმლო განყოფილების რვა ოფიცრიდან ერთ-ერთია და რომელიც სავარაუდოდ, მოწამვლის ორგანიზებაში მონაწილეობდა.
