ფარული ჩანაწერების გავრცელებასთან დაკავშირებით საქართველოს პროკურატურაში გამოკითხვები გრძელდება.
უწყებაში დღეს გამოკითხვაზე ტელეკომპანია “ფორმულას” ხელმძღვანელი, მიშა მშვილდაძე და გამომცემლობა “ქრონიკა +-ის ” რედაქტორი, ელისო კილაძე იმყოფებოდნენ.
როგორც გამოკითხვის შემდეგ, მიშა მშვილდაძემ ჟურნალისტებთან საუბარში განაცხადა, თუ ხელისუფლება აპირებს ფარული ჩანაწერების გამოქვეყნებას საზოგადოებამ უნდა იცოდეს, რომ კონკრეტული შინაარსის კადრების გავრცელებისგან მედია უკვე დიდიხანია თავს იკავებს .
“თუკი ხელისუფლება აპირებს იმას, რომ გამოაქვეყნოს კადრები და მერე ეს ვინმეს დააბრალოს, მედიას ან სხვა ვინმეს, იცოდეს საზოგადოებამ, რომ დიდი ხანია მედია ამისგან თავს იკავებს,”- განაცხადა მიშა მშვილდაძემ.
ცნობისთვის პროკურატურაში უკვე მეორე დღეა ფარული ჩანაწერების გავრცელებასთან დაკავშირებით მედიის წარმომადგენლები იკითხებიან.
შეგახსენებთ, რამდენიმე დღის წინ მედიაში გავრცელდა ჩანაწერები, რომლის მიხედვითაც სახელმწიფო უსაფრთხოების სამსახურის თანამშრომლები სავარაუდოდ საზოგადოების სხვადასხვა წევრებს უკანონოდ უსმენენ.
